कमलबजार नगरपालिकाले पत्रकार महासंघको नवनिर्वाचित कार्यसमितिलाइ बधाई तथा अभिनन्दन गरेको छ ।
हालसलै सम्पन्न अधिबेशनबाट आएको महासंघको अछाम जिल्ला कार्यसमितिलाइ नगरपालिकाले बधाई तथा सम्मान गरेको हो ।
आइतबार नगर प्रमुख / उप-प्रमुख सहितको नगरपालिकाको एक टोलिले नवनिर्वाचित महासंघको टोलिलाइ खादा , नेपाली टोपी र अबिर लगाएर सम्मान तथा अभिनन्दन गरेको थियो ।
अभिनन्दन कार्यक्रममा बोल्दै नगर प्रमुख यज्ञ प्रसाद ढकालले पत्रकार र पत्रकारिताको वृत्तिविकाशकालागी कमलबजार नगरपालिका तत्पर रहेको बताए ।
उनले ब्यक्तिगत रुपमा आफू पनि मिडिया मैत्री भएकाले नगरपालिकाका हरेक गतिबिधिमा पत्रकारसँग समन्वय र सहकार्य गरेर अघि बढ्ने कुरा उल्लेख गरे ।
मेयर ढकालले राज्यको चौथो अंगको उपमा पाएका पत्रकारहरुले गुण र दोशको आधारमा आलोचनात्मक टिप्पणी र हौसलायुक्त समर्थन गर्ने कुरामा ढुक्क रहेको विश्वास व्यक्त गरेका थिए ।
यस्तै कार्यक्रममा बोल्दै नगर उप-प्रमुख सारदा कुवरले पत्रकार राज्यका हरेक निकायको स्थायी प्रतिपक्षि भएकाले हरेक गलत क्रियाकलापको डटेर खबरदारी गर्नुपर्ने बताइन ।
उप- प्रमुख कुवरले सत्तामा रहदा आफुहरुबाट समेत केही कमिकम्जोरी भएमा निर्धक्क भएर आलोचनात्मक टिप्पणी गर्न समेत आग्रह गरेकी थिइन ।
कुवरले अछामी पत्रकारिताको बिकासकालागी कमलबजार नगरपालिकाले पत्रकार महासंघ अछामलाइ आर्थिक सहयोग गर्ने प्रतिवद्द्ता समेत व्यक्त गरेकी थिइन ।
तपाईको कमेन्ट लेख्नुहोस्