Techie IT
Agni Khabar

कमलबजारमा नि:शुल्क आँखा शल्यक्रिया शिबिर हुँदै


अछामको कमलबजार नगरपालिकामा दुईदिने बृहत नि:शुल्क   आँखा शल्यक्रिया शिबिर सञ्चालन हुने भएको छ ।

कमलबजार नगरपालिका वडा नं २ मा रहेको कमलबजारमा जेठ २५ र २६ गते बृहत नि:शुल्क  आँखा शल्यक्रिया शिबिर सञ्चालन हुन लागेको हो ।

तिलगंगा आँखा प्रतिष्ठान काठमाण्डौ , गेटा आखाँ अस्पताल धनगढी कैलाली र जिल्ला स्वास्थ्य कार्यालय अछामको आर्थीक तथा प्राधिक सहयोग तथा कमलबजार नगरपालिकाको समन्वयमा नि:शुल्क  शिबिर गर्न लागीएको कमलबजार नगरपालिकाका नगर प्रमुख यज्ञ प्रसाद ढकालले जानकारी दिएका छन् ।

दुई दिन सम्म सञ्चालन हुने शिबिरमा आँखा परिक्षण , चस्माको चेकजाँच , नि:शुल्क औशधी बितरण र मोतियाबिन्दुको अप्रेश गरिने नगरप्रमुख ढकालले बताएका छन् ।

बृहत शिबिर सञ्चालनका लागी तिलगंगा आँखा प्रतिष्ठान , गेटा आँखा अस्पताल , स्वास्थ्य कार्यालय अछाम तथा कमलबजार नगरपालिकाबिच सम्झौता समेत भईसकेको उनले बताएका छन् ।




तपाईको कमेन्ट लेख्नुहोस्