नेपाल राष्ट्र बैंकको निर्देशनअनुसार, आज बैंक तथा वित्तीय संस्था खुल्ने छन् । राष्ट्र बैंकले असार २३ र ३० गते शनिबारका दिन सेवा बन्द नगर्न बैंक तथा वित्तीय संस्थाको नाममा परिपत्र गरेको छ ।
चालु आर्थिक वर्ष सकिने बेलामा राजस्व भुक्तानी, चेक क्लियरिङ तथा विद्युतीय रकम ट्रान्सफरका लागि बढी चाप पर्ने भएकाले शनिबार पनि सेवा उपलब्ध गराउन राष्ट्र बैंकले निर्देशन दिएको हो ।
ुअसार २३ र ३० गते बिदाका दिनसमेत राति ८ बजेसम्म र असार ३१ गते बेलुका ७ बजेसम्म राजस्व कारोबार गर्ने सम्पूर्ण बैंक, चेक क्लियरिङ एवम् विद्युतीय ट्रान्सफरको फन्ड सेटलमेन्ट गर्ने अन्य बैंक तथा वित्तीय संस्था साथै नेपाल क्लियरिङ हाउस खुला राखी राजस्व बुझ्ने व्यवस्था गनपर्नेछु, राष्ट्र बैंकले आज जारी गरेको सूचनामा भनिएको छ ।
अर्थ मन्त्रालय र महालेखा नियन्त्रक कार्यालयको अनुरोधपछि यस्तो निर्देशन दिइएको राष्ट्र बैंकले जनाएको छ ।
तपाईको कमेन्ट लेख्नुहोस्